Litaniae de Sanctissimo Sacramento

Kyrie, eleison.

Christe, eleison.

Kyrie, eleison.

Christe, audi nos.

Christe, exaudi nos.

Pater de caelis, Deus,miserere nobis.

Fili, Redemptor mundi, Deus,miserere nobis.

Spiritus Sancte, Deus,miserere nobis.

Sancta Trinitas, unus Deus,miserere nobis.

Panis vivus de caelo descendens,miserere nobis.

Deus absconditus et Salvator,miserere nobis.

Frumentum electorum,miserere nobis.

Vinum germinans virgines,miserere nobis.

Panis pinguis et deliciae regum,miserere nobis.

Juge Sacrificium,miserere nobis.

Oblatio munda,miserere nobis.

Agnus absque macula,miserere nobis.

Mensa purissima,miserere nobis.

Angelorum esca,miserere nobis.

Manna absconditum,miserere nobis.

Memoria mirabilium Dei,miserere nobis.

Panis supersubstantialis,miserere nobis.

Verbum caro factum,miserere nobis.

Calix benedictionis,miserere nobis.

Mysterium Fidei,miserere nobis.

Coeleste antidotum, quo a peccatis praeservamur,miserere nobis.

Stupendum super omnia miraculum,miserere nobis.

Sacratissima Dominicae Passionis commemoratio,miserere nobis.

Donum transcendens omnem plenitudinem,miserere nobis.

Memoriale praecipuum divini amoris,miserere nobis.

Sacrosanctum et augustissimum mysterium,miserere nobis.

Pharmacum immortalitatis,miserere nobis.

Tremendum ac vivificum Sacramentum,miserere nobis.

Panis omnipotentia Verbi caro factus,miserere nobis.

Incruentum Sacrificium,miserere nobis.

Cibus et Conviva,miserere nobis.

Dulcissimum convivium, cui assistunt Angeli ministrantes,miserere nobis.

Offerens et oblatio,miserere nobis.

Spiritualis dulcedo in proprio fonte degustata,miserere nobis.

Refectio animarum sanctarum,miserere nobis.

Viaticum in Domino morientium,miserere nobis.

Pignus futurae gloriae,miserere nobis.

Propitius esto,

parce nobis, Domine.

Propitius esto,

exaudi nos, Domine.

Ab indigna Corporis et Sanguinis tui susceptione,libera nos, Domine.

A concupiscentia carnis,libera nos, Domine.

A superbia vitae,libera nos, Domine.

Ab omni peccandi occasione,libera nos, Domine.

Per desiderium illud, quo hoc Pascha cum discipulis manducare desiderasti,libera nos, Domine.

Per summam humilitatem, qua discipulorum pedes lavisti,libera nos, Domine.

Per ardentissimam charitatem, qua hoc divinum Sacramentum instituisti,libera nos, Domine.

Per Sanguinem tuum pretiosum, quem nobis in altari reliquisti,libera nos, Domine.

Per quinque vulnera hujus tui corporis sacratissimi, quae pro nobis suscepisti,libera nos, Domine.

Peccatores,te rogamus, audi nos.

Ut nobis fidem, reverentiam et devotionem hujus admirabilis Sacramenti augere et conservare digneris,te rogamus, audi nos.

Ut ad frequentem usum Eucharistiae per veram peccatorum confessionem nos perducere digneris,te rogamus, audi nos.

Ut nos ab omni haeresi, perfidia ac cordis caecitate liberare digneris,te rogamus, audi nos.

Ut sanctissimi hujus Sacramenti pretiosos et coelestes fructus nobis impertiri digneris,te rogamus, audi nos.

Ut in hora mortis nostrae hoc coelesti Viatico nos confortare et munire digneris,te rogamus, audi nos.

Fili Dei,te rogamus, audi nos.

Agnus Dei, qui tollis peccata mundi,

parce nobis, Domine.

Agnus Dei, qui tollis peccata mundi,

exaudi nos, Domine.

Agnus Dei, qui tollis peccata mundi,

miserere nobis.

Christe, audi nos.

Christe, exaudi nos.

Kyrie eleison. Christe eleison. Kyrie eleison. Pater noster.

Memoriam fecit mirabilium suorum misericors et miserator Dominus.

Escam dedit timentibus se.

Oremus

Deus, qui nobis sub Sacramento mirabili Passionis tuae memoriam reliquisti; tribue, quaesumus, ita nos Corporis et Sanguinis tui sacra mysteria venerari, ut Redemptionis tuae fructum in nobis jugiter sentiamus. Qui vivis et regnas in saecula saeculorum. Amen.